10個關於拍拖嘅錯誤潛規則

拍拖對於好多人嚟講，都好似有著一大堆不成文嘅規條，例如你同對象剛剛第一次見面，就應該等三日先至再同對方聯絡，又或者如果一段關係結束之後，或者應該將自己嘅感受寫出嚟，
唔好抑壓喺心入面咁。


但究竟呢啲網絡上面經常流傳嘅拍拖規條，係唔係真係千真萬確一定要遵守？睇嚟就未必喇！
以下係10個有關拍拖嘅迷思，希望大家可以係睇完之後有所覺悟，唔需要再墨守成規啦！


1. 拍拖就唔可以打扮自己

                               
登錄/註冊後可看大圖

好多人都認為當您已經有左另一半嘅時候，打扮自己就等同於孔雀開屏，
所以係唔應該打扮自己。但其實並唔係要將自己裝扮得超級chok咁，
簡單著得端莊少少整體比人嘅觀感都會較為舒服，所以將自己打扮得精神少少根本係無任何問題嘅。


2. 男士唔鐘意女士採取主動

                               
登錄/註冊後可看大圖

好多人都會以為男士一定係採取主動嘅一方，而女士就算主動約男仔出街，
男方都會表現得唔領情，唔會鐘意咁衝動嘅女仔。但原來根據約會網站Match嘅一項問卷調查，
美國就有成90%嘅男士並唔介意女方採取主動約佢地出街，所以並無一定話男方一定係要係約女士出街嗰一個架！


3. 將感受寫低就可以療傷

                               
登錄/註冊後可看大圖

好多人都話喺分手之後，搵本簿將自己嘅感受寫低就可以迅速療傷、忘記痛楚。
但其實根據一項於2012年所進行嘅研究，原來不斷咁單純用文字抒發內心感受，
係相反會令人更為抑鬱。相比起將自己負面情緒一一記錄，更有效嘅方法係從正面嘅態度，
以文字計畫你喺無左另一半嘅時候點樣面對將來。


4. 對人有意思就即刻表明心跡

                               
登錄/註冊後可看大圖

大家都係成年人，坦承面對就會得到對方認同係真唔係呀？原來真係未必架！
相比起一開始就表明心跡，放長線釣大魚其實係更容易令對象喜歡上你，對你更為好奇。
令對方希望同你喺埋一齊嘅機會仲會大啲。


5. 關係越深越了解對方

                               
登錄/註冊後可看大圖

同另一半關係發展得越耐，好多人都以為自己越了解對方，知道晒佢地日常習慣、喜惡等等。
但根據一項1997年嘅調查，原來二人彼此認識嘅程度根本係同時間長短無關嘅。


6. 女士比男士更為浪漫

                               
登錄/註冊後可看大圖

對於男士同女士心底嘅想法，好多人都回先入為主覺得女士係較為注重浪漫嘅一方。
但其實喺實際情況下，男士對於一段關係嘅想法係較為浪漫，例如你記唔記得究竟你同另一半係邊個講「我愛您」先呢？
結果原來係1/3對情侶當中都係男性講先架！而且相較起女士，男性更加係較為確信一見鍾情嘅現象呢！


7. 收好人卡嘅一定最遲搵到好伴侶

                               
登錄/註冊後可看大圖

有唔少嘅男士年中都會收唔少嘅好人卡，但咁係唔係就意味左佢係男性當中嘅蘿底橙呢？咁又未必喎！
因為如果你真係咁樂善好施嘅話，得閒去做下義工咁嘅話，遇到識得欣賞你嘅另一半機會其實反而比其他人更高，
而且你同佢嘅關係亦都會比平常人持久！


8. 唔好立即回覆對象

                               
登錄/註冊後可看大圖

好多人都會怕比人覺得自己好猴禽，而唔敢喺第一次約會之後立即回覆對方，
又或者再約佢出多次街。但原來根據Tech Insider調查，當對象發出上一個訊息同接收到你回覆嘅時間越長，
獲得對方回覆嘅機會其實相反係會越來越低。


9. 爭執代表關係正在破裂

                               
登錄/註冊後可看大圖

喺每一段關係裡面，爭執係絕對無法避免發生的，而雙方所產生嘅衝突其實亦都
代表左關係出現左意想不到嘅缺憾，需要雙方立即修補。所以假如發生爭執之後坐視不理，
咁先至係會令關係破裂嘅根源。


10. 樣貌截然不同嘅就會互相吸引

                               
登錄/註冊後可看大圖

人係唔係真係喜歡同自己長相好唔同嘅人喺埋一齊呢？原來根據Gizmodo嘅一項調查，
絕大部分嘅情侶喺埋一齊嘅原因，都唔係因為佢地生得唔相似，
此外亦都唔代表同佢地個樣唔似嘅人成功喺埋一齊嘅機會越高。

這其實也可以算是公司面試的
………啥、保險套尿袋？！