馬上加入Android 台灣中文網，立即免費下載應用遊戲。
您需要 登錄 才可以下載或查看，沒有帳號？註冊
x
Mandy Lieu街頭啜爆洗米華 情侶look公園煲煙
澳門賭業猛人兼太陽娛樂揸弗人周焯華（洗米華）呢期都係孖住洗米嫂陳慧玲（Heidi）現身，繼6月喺派對上拖老婆高唱《愛我別走》後，上月中又合體送大女梓潼到美國遊學；上個禮拜一，洗米華再精心鋪排喺晚宴上親自頒最佳服裝獎畀老婆，努力挽救婚姻！
反而，傳再為洗米華大肚佗囝嘅Mandy Lieu，就忽然靜咗幾個月消聲匿跡，計日子佢應該喺6月生咗第二胎，當時洗米華被影到離港疑飛英陪產。等了又等，「低調」咗幾個月嘅Mandy終於又蒲頭啦，仲同洗米華着情侶波鞋喺倫敦又攬又啜，當眾放閃，被《蘋果》讀者陳先生透過「爆相爆片」分享。
陳先生透過短訊接受本報訪問表示，英國時間上周六（13日）下晝約3點，當時喺倫敦第一豪宅區Royal Borough of Kensington and Chelsea嘅荷蘭公園內，遇到洗米華同Mandy Lieu親熱拖手行公園：「見到佢哋喺雪糕店旁邊擁吻煲煙，Mandy孭住鮮紅色嘅LOVE購物袋。」問到兩人有冇帶小朋友去公園？陳先生話：「佢哋似落街拖手做運動，冇帶小孩。」有冇買雪糕食？陳先生話：「雪糕店有幾個人正order ice cream，佢哋望下就冇排。」
從陳先生提供嘅相片同短片，見到人肉速遞到倫敦嘅洗米華，着住白色T裇加黑色運動褲，Mandy就繼續全身黑look打扮，兩人齊着情侶波鞋，只見佢哋匿喺一角煲煙談心，Mandy更風騷抬頭向天吹煙圈。情到濃時，二人一手擔煙一手互攬，旁若無人地狂啜，啜完幾啖又再扯幾口煙回氣。之後熱情如火嘅Mandy又主動出招，先用手摸洗米華嘅pat pat，之後再使出迷魂鎖，雙手鎖實洗米華條頸投懷送抱，肉緊地咬咬頸仔兩啖，電到洗米華暈陀陀。
問聽唔聽到佢哋傾乜嘢？陳先生話：「當時洗米華打電話，言語聲音亦粗獷，Mandy等佢講完電話時吸咗一支煙。齊齊煲煙後行到公園嘅薰衣草花圃。」地下咁多煙頭，係咪佢哋丟㗎？陳先生話：「煙頭唔知，應該唔係佢哋。」
陳先生話整個Kensington and Chelsea都係豪宅名店區，例如有：Harrods、William及Katy，皇官亦喺隔隣，當時Mandy孭住購物袋現身，兩人都着街坊運動裝，相信佢哋應該購物後步行到公園，估計喺附近有豪宅愛巢。
來源: 蘋果新聞
| 
鑽石
碎鑽
金豆
收藏
分享
專題
提升卡
變色卡
排首位