新年大掃除的3大方法！

臨近農曆新年，係時候幫間房大掃除喇！無論你平時幾懶、幾唔願去執嘢都好，過年前真係要執一執間房，清理完之後，就會有煥然一新嘅感覺！

大掃除最緊要記住以下三個方法：
1.  丟棄廢物／回收舊物你可能堆積咗好多「無用」嘅物件，例如好多年無著過嘅衫褲、中學寫滿字嘅筆記簿、旅行收集返嚟嘅單張等等……你會發現擺咗喺度好多年，其實都無望過佢一眼，面對住呢啲物件，最緊要夠狠心，唔好再留戀佢哋，否則只會繼續囤積更多廢物，詳情可重溫：「囤積舊物影響幸福！」http://www.cosmogirl.com.hk/inner-girl/inner-girl-insight/give-your-old-stuff。（溫馨提示：如果有舊衣物可以捐俾慈善機構，無用嘅紙張可以拎去回收！）

2.  整理收納可以買一啲收納工具幫手整理房間，例如膠櫃桶或唔同size嘅盒，將唔同嘅物件分門別類整齊放好，尤其係飾物同其他「濕碎嘢」，一來可以令房間睇落無咁雜亂，二來用盒裝住可以防塵。

3.  清潔唔起眼嘅位置有啲死角位或者小物件，由於平時好少會清潔，經過長時間後已經鋪滿咗塵，例如放滿figures嘅架、牆角、牆上嘅掛鈎、櫃與櫃之間嘅空隙等等，應該好好趁呢個機會清潔一番，等自己可以再次擁有一個乾淨又清新嘅睡房！