馬上加入Android 台灣中文網，立即免費下載應用遊戲。
您需要 登錄 才可以下載或查看，沒有帳號？註冊
x
雖然話，收禮物無論如何都是件開心事，但送禮仍然係大有學問，尤其是送禮物給心儀的人，更要看彼此的「交情」深淺，送得啱，你喺佢心入面嘅分數可以幾何級數倍升；送得尷尬，隨時把對方嚇走！給日漸有感覺的他…… 喺呢個心跳微微加速嘅階段，由於仲未確定雙方面都有感覺，所以送禮策略是「有位走盞」，既有實質行動表達好感，萬一勢色不對或表錯情，仲可以若無其事，優雅地撤退。 ．喺有好感階段，當然唔適合送太貼身或過分名貴嘅禮物，免得對方覺得突兀收唔落，或者感到「欠咗你」，唔知點回禮好。 ．最易入手的策略是「大包圍」，即是趁節日向一大班同學或common friends派發小小心意禮物，如手製朱古力、精美包裝的糖果等，但他嗰份當然特別啲，例如明顯地大份、特別花心思包裝，不經意地讓大家「嘩」一聲之餘，亦可以觀察他有沒有很sweet地面紅，確定形勢。 ．如果他顯得尷尬，或你唔確定佢嘅反應是否正面，亦可以大大聲同大家說「份份都唔同，無乜特別啊！」之後先喺WhatsApp send個「你鍾意嗎？」嘅短訊跟進。 給剛開始約會的他…… 大家開始約會，證明初步互有好感，也交換過基本資料。呢個階段，送禮目標有三：1. 增加話題和見面的樂趣；2. 引誘他下次、下下次同下下下次的約會；3. 令佢開始掛住你。 ．呢個階段仍然唔適合送過分名貴或貼身的禮物，但已經可以就對方的背景、興趣和性格送啲比較個人化的精品，例如他鍾意某籃球明星，送那個球星穿著鞋號的小波鞋匙扣，足已證明你係個細心聆聽、了解他、想氹佢開心的對象。 ．保持一種進可攻退可守的策略。例如工作、旅行、行街時見到佢鍾意嘅嘢，就放膽送俾佢。例如「我有個客做玩具廠嘅，知你鍾意Transformers，就問佢要咗個扭蛋玩具送俾你。」藉此暗示你平日有諗 起他，又未至於太刻意。 給已經常約會的他…… 你哋已經差唔多每個星期都有約會，證明有持續發展成為情侶的可能，所選的禮物可以親密一點，不過切記，仲未係送大禮嘅時機啊！ ．用途實際的禮物，大部分男人都會很受落，咁就可以減低禮物被冷落嘅機會。送實際的禮物，等佢用得着，便會時時諗起你嘞。最好揀大路嘅嘢，顏色、款式越簡單越好，太cutie太偏門的，都有可能不被討好。例如天冷時，送一些保暖的用品給對方，例如頸巾、手套之類，但一定要肯定對方會用先得，不過切記唔好咁快出動到「溫暖牌」！呢個舉動太obvious喇！ 給差一步就是BF他…… 你同佢已經發展到成日見面、聯絡，甚至乎有時會有拖手嘅地步，但係嗰啲「鍾意你」、「掛住你」等字眼仍然未出現在你哋嘅對話之中，不妨送上一份溫馨嘅禮物推波助瀾一下。 ．「溫暖牌」呢個時候才出場吧！雖然有啲人覺得今時今日還DIY有點過時兼老套，不過根據CG!非官方統計的明查暗訪發現，大部分男人覺得這種禮物是很窩心的，非常受落。至於要送邊種「溫暖牌」或小手工，就得看你識整啲乜，然都要顧及佢嘅個人需要啦！ ．有時候禮物唔係具體嘅實物，反而來得浪漫。你可以悉心安排一個約會，事先鄭重地約好他一日，幽默地說明：「Then we have a date!」然後由你帶他去盡興一天。其實男人時常要安排節目也是很費神和惆悵的，如果你肯花心思代佢籌備，無論節目精彩與否，他都會甜在心頭，捨不得不與你更親近。
不能送的禮物
在任何還未摸清對方心意的階段，有些禮物最好不要送，送了很大機會帶來反效果啊！ 咖啡Mug：除非對方的嗜好是專門收集杯，或者他表明他最想收到的禮物是一隻杯！（以上兩種情況都非常罕見）否則，杯，一般來說代表了很「行」的禮物，每每為人帶來不想用，但又不想對堆填區造成負擔的痛苦。 相架：都係嗰句，除非對方好想要，否則相架嘅下場同杯差不多。 衫褲鞋襪：呢啲通常係女朋友買比另一半，你咁快就做呢個角色，未免有點突兀。而且男生都有自己嘅喜好同品味，一買唔啱可能會令佢對你印象扣分。 懶sweet DIY禮物：自製嘅嘢通常都有「瑕疵」，除非你整得好靚，否則唔係人人都識得欣賞你嘅心意。最忌就係懶sweet整埋你或自己者對方啲相落去，如果佢根本對你無意思，分分鐘嚇走對方。而且喺初步認識就整啲咁花心機嘅禮物，只會令佢覺得唔好意思。 | 
鑽石
碎鑽
金豆
收藏
分享
專題
提升卡
變色卡
排首位